Чебоксарский международный кинофестиваль 2013ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Кинофестиваль йыхравлать

08 мая 2013 г.

Улттăмĕш хут йышăнĕ Чăваш Ен Пĕтĕм тĕнчери кинофестивале. Маларахах пĕлтернĕччĕ ĕнтĕ: вăл Шупашкарта çу уйăхĕн 20-25-мĕшĕсенче иртĕ. Йĕркелÿçĕсем палăртнă тăрăх - кăçалхи ыттисенчен «сăпайлăхĕпе» уйрăлса тăрĕ.

Çак сăмахăн вăрттăнлăхĕ акă мĕнре: кинофестиваль йăлтăр-ялтăр «çăлтăрсемпе», хăйсене кăтартма, халăха калаçтарма килсе çитнисемпе, пуянах пулмĕ. Апла пулин те чи пĕлтерĕшли, тĕшши «пушă» юлмĕ, кинофестиваль шайĕ нимĕн чухлĕ те чакмĕ.

Кино ячĕпе ирттерекен кăçалхи уявăн президенчĕ малтанхи пекех - «Мосфильм» киноконцернăн генеральнăй директорĕ Карен Шахназаров кинорежиссер. Конкурса тăратнă 12 фильм программине те, жюри йышне те палăртнă. Фестивалĕн ятарлă парни - Анне статуэтки. Унсăр пуçне Республика Пуçлăхĕн парни те пулĕ. Ăна киноискусствăра гражданлăхпа патриотлăх темине уçса панă ĕçшĕн парĕç.

Конкурсра тăратнă фильмсемсĕр пуçне тата Александр Прошкинăн картинисемпе, «Вак халăхсен фильмĕсен» ятарлă сеансĕсемпе, «мультиксемпе» паллаштарĕç. «Фестивальсен фестивалĕ» те, Владимир Козлов кинокартинисен каçĕ те куравçăсене кăсăклантарасса шанатпăр.

Кинофестиваль кунĕсенче Раççей, Франци, Голланди, Инди, Грузи, Эстони тата ытти хутлăхри 30 яхăн режиссер, продюсер, актер, сценарист, кинокритик Чăваш Ене çитсе курĕç. Вĕсен шутĕнче - Дмитрий Астрахан, Александр Прошкин, Виктор Мережко, Анатолий Кот, Александр Пятков...

Источник: "Хыпар"

Мой МирВКонтактеОдноклассники
Система управления контентом
TopList Сводная статистика портала Яндекс.Метрика